無聊咁行吓觀塘後山，都幾過癮，見到以前成日踢波嘅地方，幾感慨。不過以前都係搭小巴上去，點到點咁，走嗰陣又好攰，都冇乜機會好好咁望吓呢頭。淨係記得以前和樂邨對面有間麵包舖勁平，我有買過「冰花蛋球」覺得好正，不過應該已經結咗業喇。
而我一場嚟到，又點會唔食埋嘢先走呢。可能未到食飯時間，有啲我有興趣嘅小店都未開，就求其搵間算，反正呢度應該大部份餐廳我都未食過。見呢間就喺眼前，就揀佢。由於未過早餐時段，我係可以食早餐嘅，以我呢度嘅用餐體驗嚟講，係比較特別嘅。
叫咗 $48 嘅早晨扒餐要「薄西冷牛扒」，跟「煎雙蛋」，仲有「茄汁豆及菠蘿包」，飲「熱奶茶」。味道普普通通啦，真係好茶記囉，寫唔到啲乜。不過叫嗰吓一心諗住叫早餐好啲，原來呢間嘢係食常餐會抵啲，差唔多價錢仲有個麵，睇重性價比可以留意。
---
來源 Google Maps 用戶評論
作者 Trendy Lam · a year ago
評分 3／5
地圖核實餐價 $34 車仔麵／粉麵
[喺地圖睇 榮發美食車仔麵](/restaurant/kwun-tong-榮發美食車仔麵-ChIJ6RQH)
_評論內容屬原作者意見，經 Google Places API 取得；唔代表 Pennyfood 或 Google 官方立場。_